Zarfi i zi trazon ujërat në BBVK 5: A po pendohet Liki për zgjedhjen e Dionit?

Spektakli i dytë "Prime" i edicionit të pestë të Big Brother VIP Kosova ka sjellë tensione dhe diskutime të forta mes banorëve, ku në qendër të vëmendjes ka qenë edhe çështja e zarfit të zi pas dinamikave të fundit në shtëpi. Gjatë festës së organizuar për Halloween, Dioni kishte vendosur të zgjidhte Likin, pavarësisht faktit se ajo më herët e kishte dërguar atë në nominim. Nga ana e saj, Liki e kishte arsyetuar vendimin e kaluar duke u shprehur se zgjedhja e saj ishte ndikuar nga energjia pozitive që ai përcjell. Megjithatë, zhvillimet e fundit dhe situatat e krijuara në shtëpinë më të famshme në vend lënë të kuptohet se banorja ka nisur të shfaqë dyshime dhe të pendohet për lëvizjen e saj.