Sukses historik në Baku: Kombëtarja U15 ngjit Shqipërinë në majat e futbollit botëror

Kur u nisën drejt Bakusë, futbollistët e kombëtares U15 kishin pak informacion si për shtetin mikpritës, ashtu edhe për kundërshtarët që do të kishin përballë. Ishte hera e parë që ata merrnin pjesë në një aktivitet kaq madhështor dhe larg vendlindjes, me përfaqësuese nga e gjithë bota. Plot 189 ekipe u mblodhën në një pikë të vetme në hartë gjatë dhjetë ditëve të fundit të muajit tetor. Edhe pse nuk mori vëmendjen e merituar mediatike, Përfaqësuesja Shqiptare U15 arriti një rezultat fantastik dhe historik në kampionatin botëror të zhvilluar në Azerbajxhan. Pozicionimi në vendin e 17-të përbën një arritje të jashtëzakonshme, po të kemi parasysh se në këtë garë konkurronin 189 shtete të ndryshme të planetit. Kjo shënonte herën e parë që organizohej një kompeticion i tillë për këto fasha moshe në një shkallë kaq të gjerë, nën kujdesin e pë4qetë të FIFA-s dhe posaçërisht të Arsene Wenger, i cili mban përgjegjësinë për zhvillimin e futbollit të këtyre brezave. Përfaqësuesja e djemve kuqezinj triumfojë në të gjitha ndeshjet e fazës së grupeve, ndërsa surpriza më e madhe ishte fitorja ndaj Bregut e Fildishtë, skuadër e cila konsiderohej ndër favoritet kryesore të turneut. Në fazën e dytë, talentet e U15 regjistruan katër fitore radhazi kundër kombëtareve të forta si Algjeria, Australia, Bosnja dhe Peruja. Kuqezinjtë u ndalën vetëm nga Egjipti, por bilanci i përgjithshëm mbetet mbresëlënës: në 10 ndeshje të zhvilluara, ata arritën 9 fitore dhe pësuan vetëm 1 humbje, duke u renditur në vendin e 17-të. Ky sukses bëri që Shqipëria të linte pas fuqi tradicionale të futbollit me akademi të mëdha, si Argjentina, Portugalia, Anglia apo Kroacia. Lojtarët e kombëtares tonë shfaqën karakter të fortë luftarak dhe disiplinë taktike, duke u treguar të barabartë dhe duke mos u frikësuar përballë kundërshtarëve që zotëronin epërsi fizike ose që vinin nga akademitë më prestigjioze të klubeve europiane. Kampionati Botëror i Bakusë dëshmoi qartë se e ardhmja e futbollit shqiptar është në duar të sigurta, ndërsa fidanishtja që po rritet në shkollën sportive në Durrës, e njohur si Elite Youth Academy, premton shumë për të nesërmen. Një element që bie në sy nga ky brez, të cilit Federata i kushton vëmendje të veçantë, është fakti se pjesa më e madhe e lojtarëve që formojnë boshtin e kombëtares aktivizohen rregullisht në kampionatet dhe klubet vendase.