Pamje dramatike në Itali: Automjeti mbetet pezull mbi humnerë pas përplasjes spektakolare

Një ngjarje e pazakontë dhe me rrezikshmëri të lartë është shënuar ditën e diel në zonën e Positanos, në Itali, ku një makinë ka rrezikuar të bie në greminë, pasi ka përfunduar e varur në skaj të shkëmbit pas humbjes së kontrollit nga drejtuesi. Incidenti ka ndodhur në Via Guglielmo Marconi, një aks i njohur bregdetar që shtrihet përgjatë Bregut të Amalfit, nën juridiksionin e provincës së Salernos. Bazuar në informacionet e publikuara nga burimet vendase, në mjet po udhëtonte një i ri, i cili për shkaqe që mbeten ende të paqarta ka bërë që drejtimi i automjetit t'i dalë jashtë kontrollit. Pas daljes nga rruga, automjeti është përmbysur dhe është përplasur me forcë ndaj barrierave anësore mbrojtëse, duke i shembur ato dhe duke u ndalur në një pozicion delikat pezull mbi greminë. Pavarësisht rrethanave dramatike dhe rrezikut evident për jetën, drejtuesi i mjetit ka mundur të dalë nga kabina me forcat e tij. Për fat të mirë, ai ka shpëtuar pa dëmtime serioze trupore.