Von Cramon reagon pozitivisht ndaj ndarjes politike mes Listës së Studentëve dhe Listës Serbe

Eurodeputetja Viola von Cramon ka shprehur mirëseardhjen e saj për vendimin e Listës së Studentëve, fituese e zgjedhjeve të fundit në Serbi, e cila ka përjashtuar çdo mundësi bashkëpunimi politik me Listën Serbe në Kosovë. Nëpërmjet një postimi në rrjetin social X, zyrtarja evropiane e ka cilësuar këtë qasje të re si një kthesë domethënëse në skenën politike. "Patjetër që është një ndryshim i madh. Le të shohim se si kjo mund të ndikojë në marrëdhëniet e përgjithshme ndërmjet Kosovës dhe Serbisë. Por tingëllon premtuese," ka deklaruar ajo, duke iu referuar informacioneve se nuk do të ketë aleancë politike me Listën Serbe, subjekt ky që udhëheq me dhjetë komunat me shumicë serbe brenda territorit të Kosovës.