Ndryshimi i Ligjit për Specialen, PDK i bën thirrje ekzekutivit për veprim urgjent

Kreu i Grupit Parlamentar të Partisë Demokratike të Kosovës (PDK), Arian Tahiri, i ka bërë thirrje Qeverisë së Kosovës që të procedojë sa më parë në Kuvend ndryshimet e propozuara për Ligjin mbi Dhomat e Specializuara me seli në Hagë. Gjatë deklaratës së tij, ai theksoi se institucionet ekzekutive duhet të dëshmojnë seriozitet dhe të veprojnë pa humbur kohë, duke vlerësuar se procesi mund dhe duhet të përmbyllet brenda një hapësire të shkurtër kohore. “Kuvendi e ka kryer punën e vet, tash përgjegjësia është e Qeverisë. Ligji tash është në Qeveri dhe shfrytëzoi rastin që ta trajtojë Ligjin me përgjegjshmëri dhe me urgjencë dhe ky vullnet që është dëshmuar sot, të argumentohet edhe me votë për Ligjin. Nuk ka asnjë arsye që të votohet dhe presim që Qeveria ta bëjë punën e vet sot, dhe nesër, ose pasnesër ta sjellë Ligjjin në Kuvend”, u shpreh Tahiri. Po ashtu, ai vuri inat theksin te rëndësishëm që mbart miratimi i Deklaratës për Specialen, duke e cilësuar atë si një mekanism thelbësor për të shprehur pakënaqësinë ndaj padrejtësive që po ushtrohen në Hagë.