“Na kanë shuar çdo shpresë” – Ferdonije Qerkezi kritikon ashpër Qeverinë për fatin e të pagjeturve

Ferdonije Qerkezi ka ngritur zërin kundër Qeverisë, duke e akuzuar atë për mungesë të rezultateve të prekshme në zbardhjen e fatit të personave të pagjetur gjatë periudhës së luftës në Kosovë. Gjatë një paraqitjeje publike për Kanal 10, ajo ka theksuar se ndër vite udhëheqësit institucionalë kanë dhënë premtime të shumta për t'u angazhuar në gjetjen e tyre, mirëpo në praktikë nuk është ndërmarrë asnjë hap konkret. “Secili po flet fjalë të mira, por… kurrgjë hiç. Qeveria mosvet. Edhe neve na kanë humbur shpresat krejt. Më kanë dhënë premtime që do të punojnë për me i gjetë të pagjeturit”, është shprehur ajo. Qerkezi ka manifestuar një zhgënjim të thellë për ngecjen e këtij procesi jetik, duke dëshmuar se pritjet e saj dhe të familjarëve të tjerë tashmë janë shuar plotësisht.