Kujdes: Këto rajone të Kosovës do të ballafaqohen me ndërprerje të rrymës sot

Kompania për Distribuimin e Energjisë Elektrike në Kosovë (KEDS) ka njoftuar qytetarët se gjatë ditës së hënë, më 2 nëntor, do të ndërmarrë ndërhyrje të domosdoshme në rrjetin shpërndarës. Si pasojë e këtyre punimeve të parapara, disa zona anembanë vendit do të mbeten përkohësisht pa furnizim me energji elektrike. Sipas njoftimit zyrtar, ndërprerjet e rrymës do të prekin rajone të ndryshme, ku secila zonë do të ketë orarin e vet të paraprirë për shkak të ndërhyrjeve teknike. Konkretisht, nga ora 09:30 deri në 14:30, pa energji do të mbeten vendbanimet: Llazareva, Raskova, Bakshi, Millosheva, Babimoci dhe Graça. Këto ndalesa vijnë si pasojë e punimeve për mirëmbajtje preventive dhe sanimit të parregullsive që janë identifikuar gjatë kontrollit me dron. Ndërkaq, nga ora 10:30 deri në 15:30, ndërprerje do të ketë në Shkabaj, në një pjesë të Mazgitit, në një pjesë të Obiliqit, te Reforma dhe Al Petrol, për shkak të aksionit për pastrimin e trasesë. Në rajonin e Pejës, respektivisht nga ora 10:00 deri në 15:30, pa rrymë do të jenë: Dashinoci, Gllogjani, Gramaqeli, një pjesë e Irzniqit, Kodralia, Lluka e Ulët, Lluka e Epërme, Lumbardhi, Mazniku, Pozhari, Ratishi i Epërm, Ratishi i Ulët dhe Shapteji. Këto ndalesa ndërlidhen me mirëmbajtjen e rregullt parandaluese dhe pastrimin e trasesë. Sa i përket rajonit të Ferizajit, nga ora 09:00 deri në 14:30, do të preken: një pjesë e Shtërpcës afër shkollës, zona e OSBE-së, Biti e Ulët, Biti e Epërme, Shushiqja, Paloji, Gotovusha, Drekoci, Viqa, Firaj dhe Brodi, për shkak të pastrimit të trasesë. Ndërkaq, në rajonin e Gjakovës, nga ora 10:00 deri në 18:00, furnizimi do të ndërpritet në: Zhdrellë, Zhabel Plak, Zhabel, Wesley Clark, Shqiponjë, Raskoc, Rashkoc, Qerim, Meqe, Krelan, K. Doblibar, Gërgoc, Doblibare, Cermjan, Bordosanë, Bordosan, Bec, Barë e Madhe, Bardhaniq dhe Vraniq, për shkak të punimeve intensive në rrjetin elektrik. KEDS ka theksuar se këto ndërprerje janë të domosdoshme dhe të planifikuara me kujdes për të garantuar siguri në punë, si dhe për të ngritur cilësinë dhe stabilitetin e furnizimit me energji elektrike për të gjithë konsumatorët.