Formë e lartë në Turqi: Ermal Krasniqi shënon një supergol ndaj Eyupsporit

Sulmuesi anësor Ermal Krasniqi ka konfirmuar formën e tij të shkëlqyer në futbollin turk, duke u shënuar një gol spektakolar skuadrës së Eyupsporit dhe duke vijuar serinë e paraqitjeve pozitive me fanellën e Amedsporit. Futbollisti shqiptar u shfaq vendimtar në minutën e 13-të të takimit, pasi pranoi një top në krahun e djathtë, driblojë mjeshtërisht njërin prej mbrojtësve kundërshtarë dhe, në vend të krosimit të pritshëm në zonë, lëshoi një goditje të fuqishme me të majtën, duke mposhtur portierin dhe duke kaluar skuadrën e tij në epërsi prej 1-0. Ky është goli i parë për Krasniqin këtë edicion, i cili ka regjistruar edhe dy asistime, duke u shndërruar në një nga elementët kyç të formacionit nga Diyarbakiri. Përshtatja e shpejtë duket qartë edhe te bashkëkombësi i tij, Lumbardh Dellova, me të dy lojtarët që janë bërë të pazëvendësueshëm nën urdhrat e trajnerit Besnik Hasi, teksa klubi synon pozitat e larta në tabelën e klasifikimit. Me një fitore eventuale ndaj Eyupsporit, Amedspori do të ngjitej në kuotën e 23 pikëve, duke siguruar vendin e dytë në renditje dhe ngushtuar diferencën në vetëm dy pikë nga lideri aktual, Galatasaray.