64-vjetori i lindjes së Zahir Pajazitit, Përparim Rama: Heroi është gurthemeli i lirisë sonë

Kryetari i Komunës së Prishtinës, Përparim Rama, ka shënuar përvjetorin e 64-të të lindjes së heroit kombëtar, Zahir Pajaziti, duke e kujtuar atë si një figurë emblematike të historisë sonë më të re. Përmes një mesazhi të shpërndarë në rrjetet sociale, i pari i kryeqytetit ka vlerësuar lart rolin vendimtar të Pajazitit në udhëheqjen dhe organizimin e luftës për çlirim. Rama theksoi se figura e Zahir Pajazitit mbetet një simbol i përjetshëm i qëndresës dhe vetëflijimit, duke shtuar se sakrifica e tij do të jetë përgjithmonë e gdhendur në themelet e shtetit të lirë të Kosovës.