Kuvendi i Kosovës miraton deklaratën për aktgjykimin e Speciales ndaj ish-krerëve të UÇK-së

Kuvendi i Kosovës ka mbajtur një seancë të rëndësishme, ku është votuar dhe miratuar deklarata lidhur me aktgjykimin e Dhomave të Specializuara ndaj ish-krerëve të Ushtrisë Çlirimtare të Kosovës. Dokumenti në fjalë ka marrë mbështetje unanime nga deputetët e pranishëm, duke u kaluar me 99 vota pro, pa pasur asnjë votë kundër dhe asnjë abstenim. Kjo deklaratë është bashkërenduar dhe përpiluar nga të gjitha grupet parlamentare tëfaqura në Kuvend. Përmes këtij teksti, ndër të tjera, u është bërë thirrje Dhomave të Specializuara që të veprojnë në çdo kohë në përputhje të plotë me mandatin e tyre.