Bilanci i sigurisë rrugore: Mbi 1,600 gjoba dhe rreth 60 aksidente brenda një dite në vend

Autoritetet e rendit në vend kanë vijuar me kontrolle intensive në terren, duke ndëshkuar me gjobë drejtuesit e mjetit që nuk kanë respektuar rregullat e qarkullimit rrugor. Sipas raportit zyrtar të Policisë së Kosovës për 24 orët e fundit, janë shqiptuar gjithsej 1 mijë e 633 gjoba trafiku. Gjatë kësaj periudhe kohore, statistikat tregojnë për një numër shqetësues të përplasjeve në rrugë, ku janë shënuar 24 aksidente që kanë rezultuar me persona të lënduar, ndërsa në 35 raste të tjera janë regjistruar vetëm dëme materiale. Megjithatë, në raportin e publikuar nga Policia jepet një lajm lehtësues për sa i përket fataliteteve, pasi konfirmohet se gjatë 24 orëve të fundit nuk është shënuar asnjë rast i tragjedisë në rrugët e vendit.