Dita me vranësira dhe reshje shiu: Ja çfarë moti parashikohet sot në Kosovë

Territori i Kosovës gjatë ditës së sotme do të jetë nën ndikimin e vranësirave të dendura, të cilat do të sjellin reshje shiu në zona të ndryshme të vendit. Sipas të dhënave zyrtare nga Instituti Hidrometeorologjik i Kosovës, temperaturat minimale pritet të luhaten ndërmjet 3 deri në 6 gradë Celsius. Ndërkaq, për sa u përket vlerave maksimale të ditës, ato parashikohet të arrijnë nga 7 deri në 10 gradë Celsius. Lidhur me qarkullimin e ajrit, era do të fryjë nga drejtimi i verilindjes dhe veriperëndimit me një shpejtësi të lehtë prej 1 deri në 3 metra për sekondë, njofton Instituti Hidrometeorologjik i Kosovës.