Zvicra ndan mbi 334 milionë franga për integrimin: Vëmendje e veçantë gjuhës, arsimit dhe punësimit

Ekzekutivi zviceran ka zyrtarizuar një paketë financiare prej 334,5 milionë frangash, e cila do t'i dedikohet nismave të integrimit gjatë periudhës 2028–2032. Më konkretisht, buxheti vjetor do të jetë 66,9 milionë franga, duke shënuar një rritje prej 5,4 milionë frangash në krahasim me fondet e deritanishme. Ky vendim i rëndësishëm u mor zyrtarisht më 25 shtator. Për të siguruar një shpërndarje sa më efikase, fondet do të ndahen në dy drejtuar kryesore: - Së pari, 37,3 milionë franga në vit do t’u shpërndahen kantoneve për të mbështetur kurset e gjuhës, shërbimet e këshillimit, arsimimin dhe lehtësimin e qasjes në tregun e punës; - Së dyti, 29,6 milionë franga do të shkojnë për mbulimin e programeve me shtrirje kombëtare, ku përfshihet edhe faza e përgatitjes profesionale. Gjithashtu, autoritetet kanë bërë të ditur se prioritet absolut do t'i kushtohet heqjes së barrierave për gratë emigrante dhe zhvillimit të mekanizmave më afatgjatë dhe të sigurt për punësimin e tyre. Vlen të theksohet se ky investim nuk përbën ndihmë financiare direkte për individët, por është parashikuar për të financuar infrastrukturën e shërbimeve dhe skemat mbështetëse të integrimit në nivel kantonal.