Skandali me videot intime, reagon me ironi aktorja e njohur Monika Lubonja

Aktorja e njohur Monika Lubonja ka thyer heshtjen përmes një postimi në rrjetin social Instagram, duke iu kundërvënë ashpër zërave kritikë që e vunë në shënjestër pas skandalit të përhapjes së videove të saj intime pak javë më parë. Në videon e publikuar, ajo shfaqet e qeshur dhe e qetë, ndërsa shoqëron pamjet me një mesazh kuptimplotë: “A e dëgjove se çfarë thanë për ty? Jo, unë nuk e flas gjuhën e tyre”. Për të përcjellë më fort qëndrimin e saj ndaj opinionit publik dhe aludimeve, si sfond audios është vendosur zëri i qenve që lehin, duke u lexuar si një kundërpërgjigje simbolike për ndjekësit dhe kritikët. Ngjarja ka marrë përmasa ligjore pas qarkullimit në internet të materialeve audiovizive ku ajo shfaqet krahas kompozitorit Adrian Hila, një çështje për të cilën Lubonja ka ndërmarrë hapa duke e dërguar kompozitorin në dyert e drejtësisë përmes një padie formale.