Humbja e diplomatit Bashkim Zeneli, mesazhi prekës i kryebashkiakut Veliaj: Miku fisnik që s'do ta harroj kurrë

Kryetari i Bashkisë së Tiranës, Erion Veliaj, ka përcjellë një mesajh ngushëllimi mjaft emocional pas ndarjes nga jeta të ish-ambasadorit të shquar, Bashkim Zeneli. Nëpërmjet një postimi në rrjetet sociale, Veliaj ka shprehur hidhërimin e thellë për këtë humbje, duke evokuar figurën e Zenelit si një personalitet të spikatur të diplomcisë dhe politikës, por mbi të gjitha duke vënë në pah dimensionin e tij njerëzor dhe kujdesin e treguar ndaj tij madje edhe gjatë periudhave më sfiduese të jetës së ish-ambasadorit. Kreu i Bashkisë e ka përshkruar atë si një njeri të lartësuar dhe një mik të shtrenjtë, kontributi dhe vlera e të cilit do të mbeten të pashlyera për këdo që pati fatin të bashkëpunonte me të. “Lamtumirë, i dashur Bashkim! Shqipëria humbi një diplomat par excellence, Partia Socialiste një intelektual brilant, ndërsa unë një mik fisnik, që nuk do ta harroj kurrë. Edhe në ditët e tij më të vështira, Bashkimi fisnik gjeti kohën dhe kujdesin të më kujtonte, duke më dërguar dy librat e tij të mrekullueshëm. Një gjest njerëzor që do ta ruaj gjithmonë me mirënjohje. Ngushëllimet më të ndjera familjes, miqve dhe të gjithë atyre që patën privilegjin ta njihnin. U prehsh në paqe, mik i shtrenjtë!”, shkruan ndër të tjera Veliaj.