Forma e shkëlqyer e Rilindjes 1974, skuadra nga Lugu i Baranit mposht Besën dhe ngjitet në majë

Rilindja 1974 po konfirmohet si sensacioni i vërtetë i këtij sezoni në Ligën e Parë të Kosovës, duke vazhduar me paraqitje fantastike dhe rezultate pozitive që po habisin opinionin sportiv. Në ndeshjen e fundit, ekipi nga Lugu i Baranit ka arkivuar një tjetër fitore me peshë, duke triumfuar si mysafir ndaj Besës së Pejës me rezultatin e ngushtë 2:1. Meritat forcohen nga paraqitja e sulmit, ku Frederic Manguer Mang dhe Elton Idrizaj ishin heronjtë e këtij takimi, duke realizuar golat vendimtarë që i sollën skuadrës tri pikë të reja. Falë këtij ecurie mbresëlënëse përgjatë këtij edicioni, Rilindja 1974 tashmë është shndërruar në befazinë më të këndshme të kampionatit. Pas kësaj xhiroje, Rilindja ngjitet në shkallën e tretë të tabelës me 24 pikë në llogarinë e saj, ndërsa nga ana tjetër, Besa e Pejës mbetet në pozitën e 13-të, duke grumbulluar deri më tani 12 pikë.