Nis protesta e thirrur nga Partia Demokratike, marshimi drejt Kryeministrisë udhëhiqet nga deputetët

Ka nisur zyrtarisht marshimi i protestuesve, të cilët janë nisur nga selia e Partisë Demokratike për t'u drejtuar drejt ndërtesës së Kryeministrisë. Në krye të kësaj kolone protestuese ndodhen deputetët e opozitës, mes të cilëve figurojnë emra të njohur si Flamur Noka, Gazment Bardhi dhe Agron Gjekmarkaj, të cilët udhëheqin lëvizjen. Pas tyre vjen një numër i madh mbështetësish dhe qytetarësh simpatizantë të forcës opozitare. Kjo protestë masive vjen në shenjë solidarizimi dhe mbështetjeje për studentët, të cilët prej 19 ditësh po zhvillojnë një protestë të përshkallëzuar për kërkesat e tyre. Ndërkohë, paralelisht, një tjetër grumbullim protestues është thirrur nga vetë studentët për t'u zhvilluar para Ministrisë së Arsimit.