Skandal në Botërorin U-15: Penallti fantazëm në fund të ndeshjes, Bolivia proteston në mënyrë të veçantë ndaj Anglisë

Kampionati Botëror për grupmoshat deri në 15 vjeç, që po zhvillohet në Azerbajxhan, është shoqëruar me një ngjarje të pazakontë dhe polemika të forta në fushën e blertë. Përballja mes Bolivisë dhe Anglisë, e cila përfundoi me rezultatin 3-2 në dobi të përfaqësueses evropiane, u përcaktua nga një vendim i diskutueshëm arbitrazhi në sekondat e fundit të takimit, duke shkaktuar tension të lartë. Episodi kryesor ndodhi kur futbollisti anglez Emmanuel Famokun u ndal u rrëzua jashtë vijave të zonës së rreptësisë nga një prej mbrojtësve latinë, por pavarësisht kësaj, gjyqtari kryesor tregoi nga pika e bardhë e penalltisë. Menjëherë pas këtij vendimi, situata u nxeh ndjeshëm pasi lojtarët e Bolivisë shpërthyen në protesta të ashpra kundër arbitrit, i cili megjithatë mbeti i palëkundur në vendimin e tij. Në shenjë pakënaqësie dhe si formë proteste ndaj padrejtësisë së pretenduar, portieri i Bolivisë vendosi të mos e mbrojë portën, duke u larguar në një nga këndet e saj, ndërsa ekzekutuesi anglez dërgoi topin qetësisht në rrjetë nga krahu i tjetër.