“Më falni, por duhet të ik”: Rama ndërpret eurodeputetin për takimin me zyrtarët gjermanë dhe batuta me futbollin

Gjatë konferencës Ndërparlamentare ku morën pjesë delegatë nga institucionet shqiptare, Parlamenti Evropian dhe legjislativët e vendeve kontinentale, e hëna solli një moment të papritur kur eurodeputeti Andreas Schieder mori fjalën menjëherë pas fjalimit të kryeministrit Edi Rama. Në mes të fjalës së eurodeputetit, kreu i Qeverisë shqiptare u ngrit nga vendi, iu afrua atij dhe i ndërpreu fjalën për t'u larguar, duke e motivuar veprimin me një angazhim tjetër të rëndësishëm. “Kërkoj ndjesë se kam takim me gjermanët e do më duhet të iki, se nuk e lë dot të presë shumë gjatë gjermanin. Më kanë thënë që është gjerman i rëndësishëm,” u shpreh Rama, duke shoqëruar largimin e tij edhe me një batutë sportive për humbjen e Gjermanisë ndaj Greqisë në “Nations League”, duke i thënë Schiederit të mos u përmendte grekët, pasi sipas tij, më në fund kishte ardhur koha e Greqisë për të fituar.