Pamjet që i kushtuan rëndë sulmuesit: I pezullohet patentëshoferi deri në vitin 2099

Sulmuesi i njohur argjentinas, Mauro Icardi, është përballur me një masë drastike ndëshkimore në vendlindjen e tij, pasi autoritetet kompetente i kanë hequr patentën e shoferit deri më 1 janar të vitit 2099. Sanksioni u ndërmor si pasojë e një videoje të publikuar nga partnerja e tij, China Suárez, në të cilën lojtari shfaqet duke drejtuar automjetin, ndërkohë që ajo rrezikon seriozisht sigurinë e saj duke u përkulur dhe nxjerrë trupin jashtë dritares së makinës në lëvizje. Në pamjet që u bënë virale në rrjetet sociale, Suárez shihet duke hequr rripin e sigurimit dhe duke u mbështetur e pambrojtur nga dritarja e automjetit që po drejtohej nga ish-lojtari i Paris Saint-Germain, ndërkohë që autoritetet transportuese konstatuan gjithashtu se ai qarkullonte me patentë të skaduar. Përveç ndalimit rekord prej pothuajse 73 vitesh – periudhë gjatë së cilës ish-sulmuesi i PSG-së do të mbushi 105 vjeç – futbollisti do të detyrohet t'i nënshtrohet edhe një kontrolli të detyrueshëm mjekësor dhe psikologjik për të vlerësuar aftësitë e tij në drejtimin e mjetit.