Pasojat e derbit: Federata turke dënon rëndë yjet e Galatasarayt dhe Fenerbahçes

Komiteti Disiplinor pranë Federatës së Futbollit të Turqisë ka marrë vendim zyrtar për të ndëshkuar dy prej protagonistëve të derbit të zjarrtë, pas incidenteve dhe përleshjeve të regjistruara në fushë. Sipas vendimit të bërë publik të premten, mbrojtësi i majtë i Fenerbahçes, Archie Brown, është dënuar me tri ndeshje moslojë. Ndërkohë, masa disiplinore ka prekur edhe qendërmbrojtësin e Galatasarayt, Abdulkerim Bardakci, i cili do të mungojë në dy takimet e ardhshme për shkak të përfshirjes së tij në tensionet mes lojtarëve.