Hetimet për projektin e Prishtinës: Përparim Rama merret në pyetje nga Prokuroria Speciale

Kryetari i Komunës së Prishtinës, Përparim Rama, është paraqitur para Prokurorisë Speciale për t'u intervistuar në cilësinë e të pandehurit. Intervistimi i tij vjen në kuadër të hetimeve që lidhen me projektin e njohur “Arkitekti i Kryeqytetit”, ndërsa ai po ballafaqohet me dyshimet për veprën penale “Keqpërdorimi i pozitës apo autoritetit zyrtar”. Pas përfundimit të intervistës para organeve të rendit, kreu i kryeqytetit ka dhënë një prononcim të shkurtër për media, ku ka theksuar se është detyrë e Prokurorisë që të zhvillojë hetimet e nevojshme për të sqaruar situatën nëse ka pasur shkelje ligjore.