Memphis i pandalshëm, merr kreun e Konferencës Perëndimore në NBA

Memphis ka konfirmuar formën e shkëlqyer në këtë fillim sezoni në NBA, duke regjistruar fitoren e pestë radhazi dhe duke u ngjitur në krye të renditjes në Konferencën Perëndimore. Skuadra e pamposhtur deri më tani ka dominuar në transfertë kundër Portlandit, duke triumfuar me rezultatin e pastër 124-103. Çelësi i këtij suksesi për Memphis ishte loja kolektive, ku u dallua kontributi i jashtëzakonshëm i skuadrës, pasi plot tetë lojtarë arritën të shënonin mbi 10 pikë secili. Ndërkohë, mbrëmja solli edhe fitoren e parë sezonale për New Orleans Pelicans, të cilët mposhtën Sacramenton me shifrat 132-120 në një përballje mjaft spektakolare. Paraqitja e shkëlqyer e Fears dhe Williamson, të cilët kontribuan me nga 22 pikë secili, i dha drejtimin e duhur vendasve, duke bërë të pavlera 34 pikët e shënuara nga Acuf për skuadrën kundërshtare. Në një tjetër duel të rëndësishëm mes dy skuadrave që synojnë zonën e "play-off“-it, Atlanta doli triumfuese pas një ndeshjeje shumë të ekuilibruar deri në sekondat e fundit, duke mposhtur Clevelandin me rezultatin 114-111. Lideri i fushës për Atlantën ishte Okongwu me 29 pikë të realizuara, i mbështetur fuqishëm edhe nga Walker, i cili shtoi 25 pikë të tjera. Rezultatet e ndeshjeve: Portland – Memphis, 103-124 New Orleans – Sacramento, 132-120 Atlanta – Cleveland, 114-111