Moti të premten: Rikthehen vranësirat dhe shiu, parashikohen edhe shtrëngata në disa rajone

Përgjatë ditës së premte, territori i vendit do të jetë nën ndikimin e kushteve me paqëndrueshmëri të lehtë atmosferike. Sipas parashikimeve meteorologjike, dita do të karakterizohet nga periudha me kthjellime, por edhe nga alternime vranësirash. Këto të fundit pritet të sjellin reshje shiu të me intensitet të ulët në pjesën më të madhe të vendit. Ndërkohë, gjatë intervaleve të shkurtra kohore, në rajonet jugore dhe ato lindore mund të shfaqen edhe shtrëngata të izoluara. Sa i përket parametrit të erës, ajo do të fryjë me drejtim kryesor nga verilindja dhe lindja me një shpejtësi mesatare prej 7 m/s. Ndërkaq, përgjatë vijës bregdetare dhe në zonat luginore, intesiteti i erës pritet të arrijë deri në 13 m/s, duke shkaktuar në det një valëzim të forcës 1 deri në 3 ballë.