Michelle Hunziker zbulon formulën e përjetshme: Ja si të ruani shkëlqimin në prag të 50-tave

Për moderatoren dhe sipërmarrësen e njohur italiane, Michelle Hunziker, bukuria nuk është thjesht çështje estetike, por një reflektim i energjisë së brendshme. Teksa po i afrohet pragut të 50-vjetorit në janar, ajo ndau me publikun filozofinë e saj të qëndrimit përherë të re, ku buzëqeshja dhe pozitiviteti zënë vendin kryesor. “Sipas meje, sekreti që na mban vërtet të rinj është energjia pozitive,” u shpreh Hunziker gjatë një eventi dedikuar grave në Milano. Krahas qëndrimit mendor, ajo theksoi një disiplinë të hekurt që e ka ndjekur ndër vite: pastrimin e fytyrës. “Nuk kam shkuar kurrë për të fjetur me grim, as në rininë time më të hershme,” shtoi ajo, duke nënvizuar se ky ritual është thelbësor për rigjenerimin e lëkurës gjatë natës. Kjo qasje pozitive ndaj jetës është mishëruar edhe në biznesin e saj, markën e produkteve të bukurisë ‘Goovi’, emri i së cilës buron nga shprehja angleze ‘good vibes’. Marka ka hedhur së fundmi në treg linjën ‘Collagen Skin Reboot’, e cila synon të ndërthurë kujdesin kozmetik me suplementet ushqimore për një efekt sa më të plotë. Duke qenë se prodhimi natyror i kolagjenit, proteina kyçe për elasticitetin e lëkurës, fillon të bjerë pas moshës 25-vjeçare, risia e re e Goovi vjen si një zgjidhje praktike. Trajtimi përbëhet nga një serum, një krem dhe një suplement i lëngshëm me kolagjen biomimetik vegan, i cili imiton strukturën e kolagjenit njerëzor. Sipas të dhënave të kompanisë, kjo formulë premton përmirësim të dukshëm të hidratimit dhe shkëlqimit, ndërsa pretendon reduktimin e rrudhave me rreth 33% pas një periudhe tetëjavore të përdorimit të rregullt. Me një dozë humori, Hunziker e përmbylli mesazhin e saj mbi plakjen, duke e përkufizuar atë si një proces që duhet përqafuar duke qenë sa më të shëndetshëm, të lumtur dhe të hidratuar.