Operacion antidrogë në Vallandovë: Bilanci, dy të arrestuar dhe sekuestrohet lëndë e dyshimtë narkotike

Autoritetet e rendit kanë ndërmarrë një aksion të suksesshëm në rajonin e Vallandovës, duke prangosur dy persona, të cilët dyshohen se janë të përfshirë në veprimtari të paligjshme me lëndë narkotike. Policia ka ndërhyrë pas sigurimit të provave dhe informacioneve operative. Sipas njoftimit zyrtar nga Ministria e Punëve të Brendshme, ngjarja ka regjistruar zhvillime më 28.10.2026, kur efektivët e policisë nga SPB Strumicë dhe NJPB Vallandovë kanë privuar nga liria shtetasit A.A. (32 vjeç) nga fshati Çallakli dhe S.S.I. (34 vjeç) nga fshati Gjopçeli, të dyja vendbanime këto në rrethinën e Vallandovës. Operacioni është mbështetur në urdhër-kontrolle të lëshuara nga gjykata kompetente. Gjatë bastisjeve të kryera në banesën e A.A. në Vallandovë, si dhe gj kontrollit të një automjeti të tipit „Alfa Romeo“ me targa të Gjevgjelisë – në pronësi të S.S.I. por që përdorej nga A.A. – autoritetet kanë zbuluar dhe sekuestruar sasi të një lënde pluhurore ngjyrë e bardhë. Në lidhje me këtë ngjarje është vënë në lëvizje Prokuroria Themelore Publike në Gjevgjeli, e cila është njoftuar për çdo detaj të aksionit. Nga dikasteri i punëve të brendshme bëhet e ditur se sapo të përfundojë grumbullimi i të gjitha provave dhe dokumentacioni i plotë i rastit, ndaj dy të dyshuarve do të ngrihen kallëzimet përkatëse penale.