Talenti shqiptar shkëlqen në Zvicër: Ëndërroj La Ligan, ja çfarë ndodhi me Xherdan Shaqirin

Samuel Krasniqi po lë gjurmë të pashlyeshme në futbollin elitar zviceran, duke u shndërruar në një nga pikat më të ndritshme të skuadrës së njohur Grasshoppers Club Zurich gjatë këtij sezoni, teksa në horizont tashmë synon një karrierë në kampionatin spanjoll. Në një rrëfim për mediat zvicerane, anëtari i repartit ofensiv ka diskutuar mbi ndikimin e tij në ekip, mundësitë e një kalimi të mundshëm në një kampionat të huaj dhe të ardhmen e tij ndërkombëtare, duke ndarë fillimisht një moment interesant nga përballja si mysafir kundër FC Basel-it. Pas një barazimi pa gola në stadiumin “St. Jakob-Park”, ku 21-vjeçari dha maksimumin gjatë 90 minutave me stilin e tij dinamik dhe gjatësinë 1,73 metra që të kujton ngjasimet me Xherdan Shaqirin, ai arriti të siguronte fanellën e yllit kuqezi, ndërsa u ndje i surprizuar kur mori vesh se edhe vetë Shaqiri kishte kërkuar fanellën e tij. I pyetur mbi gjendjen fizike pas kësaj sfide të vështirë, ai u shpreh se tashmë ndihet mirë, duke shtuar me shaka se kapiteni Amir Abrashi kishte vrapuar edhe më shumë se ai në fushë. Duke u shquar për shpejtësinë, teknikën dhe aftësinë për të prodhuar raste, Krasniqi është shndërruar në boshtin e sulmit të gjigantit nga Zurichu, teksa deri në kohën e intervistës kishte realizuar pesë gola dhe katër asistime në të gjitha garat, duke mbetur golashënuesi më i mirë i skuadrës. Pavarësisht kësaj, 21-vjeçari pranon hapur se finalizimi mbetet pika e tij më e dobët, një aspekt ky për të cilin është kritikuar edhe nga ish-trajneri Peter Zeidler, ndaj për t'u përmirësuar ai qëndron më gjatë në fushë pas stërvitjeve, duke ushtruar goditjet në portë nënn kujdesin e ndihmëstrajnerit Shkëlzen Gashi, ish-sulmuesit ikonik dhe dy herë golashënuesit më të mirë të Superligës në vitet 2014 dhe 2015. Në rrugëtimin e tij zhvillues, një mbështetje e jashtëzakonshme vjen edhe nga kapiteni Amir Abrashi, të cilin Krasniqi e cilëson si shokun e tij më të mirë në kampin stërvitor, duke theksuar se disiplina dhe këshillat e rrepta por pozitive të tij kanë qenë vendimtare për arritjet e deritanishme. Ngjashëm me Abrashin, edhe Krasniqi ka prejardhje shqiptare nga Shqipëria dhe Kosova, dhe ndonëse deri tani ka mbrojtur ngjyrat e Zvicrës në grupmoshën U21, ai mbetet një mundësi e hapur për të ardhmen edhe për kombëtaret kuqezi në bazë të rregulloreve në fuqi.