Turneu rajonal: Kryetarja e KE-së, Ursula von der Leyen, nis vizitën zyrtare në Kosovë këtë javë

Presidentja e Komisionit Evropian, Ursula von der Leyen, ka paralajmëruar një tur zyrtar përgjatë kësaj jave në rajonin e Ballkanit Perëndimor, ku në fokus të agjendës së saj do të jetë edhe Kosova. Sipas programit zyrtar të bërë publik nga Komisioni Evropian, periplepi rajonal i numrit një të ekzekutivit evropian do të nisë të mërkurën, më 30 shtator, në kryeqytetin shqiptar, Tiranë. Atje ajo do të zhvillojë takime kokë më kokë me krerët e shtetit, përkatësisht me Presidentin Bajram Begaj dhe me kreun e qeverisë, Edi Rama. Më pas, kalendari e dërgon zyrtaren e lartë evropiane në Prishtinë më 1 tetor. Gjatë qëndrimit në Kosovë, Von der Leyen do të pritet në takime të ndara nga ushtruesja e detyrës së Presidentes, Albulena Haxhiu, si dhe nga kryeministri Albin Kurti. Gjatë së njëjtës ditë, ajo do të udhëtojë drejt Podgoricës, ndërsa turi i saj do të përmbyllet më 2 tetor me vizitën në Shkup.