Magjia e Lionel Messit nuk mjafton: Argjentinasi shënon një kryevepër nga një kënd i paimagjinueshëm

Lionel Messi vazhdon të dëshmojë se mosha për të është vetëm një shifër, duke dhuruar sërish momente magjike në fanellën e Inter Miamit. Ndonëse skuadra e tij pësoi humbje përballë Columbus Crew, ylli argjentinas ishte protagonist i një momenti që ka bërë xhiron e botës. Në një situatë të vështirë, Messi realizoi një gol spektakolar përmes një goditjeje dënimi nga një kënd thuajse i pamundur. Trajektorja e topit ishte aq e saktë dhe e fuqishme saqë portieri kundërshtar mbeti i shtangur, duke e përcjellë me sy topin teksa përfundonte në rrjetë, pa mundur të bëjë asgjë për ta ndalur atë. Përtej shkëlqimit individual të 37-vjeçarit, Inter Miami po përballet me vështirësi këtë sezon, duke mos arritur të përsërisë formën e vitit të kaluar. Aktualisht, skuadra renditet në vendin e tretë me 46 pikë, duke mbetur 16 pikë larg liderit të tabelës, Nashville SC. Ky realizim i jashtëzakonshëm shënon golin e 76-të të Messit nga goditjet e dënimit në karrierën e tij të stërmbushur me trofe, ndërsa shifra e përgjithshme e golave të shënuar prej tij ka arritur në kuotën e 931-të.