Sukses historik: Shkëndija e Haraçinës kalon në çerekfinalen e Kupës së Maqedonisë së Veriut

Skuadra e Shkëndijës së Haraçinës ka siguruar një kualifikim madhështor në fazën çerekfinale të Kupës së Maqedonisë së Veriut në futboll, pas një paraqitjeje fantastike në ndeshjen e fundit. Në përballjen interesante mes ekipeve shqiptare të zhvilluar në qytetin e Kumanovës, ajo mes Bashkimit dhe Shkëndijës, fitues dolën mysafirët nga Haraçina, të cilët triumfuan me rezultatin e pastër 2:0. Pavarësisht përpjekjeve të vazhdueshme dhe dëshirës për të ndryshuar rrjedhën e lojës, vendasit nuk arritën të gjejnë rrugën e golit përballë një organizimi të fortë defensiv të skuadrës nga Haraçina. Herojtë e kësaj fitoreje të rëndësishme për Shkëndijën rezultuan futbollistët Marko Simonovski dhe Besir Demiri, të cilët realizuan golat që vulosën kualifikimin e merituar tutje.