Carragher bën thirrje të bujshme: E dua sërish Trent Alexander-Arnold te Liverpooli

Legjenda e Liverpoolit, Jamie Carragher, ka shprehur hapur dëshirën e tij për të parë rikthimin e Trent Alexander-Arnold në “Anfield”. Ish-mbrojtësi i njohur është i bindur se futbollisti anglez mori një vendim të gabuar kur vendosi të bashkohej me Real Madridin gjatë merkatos së verës së vitit 2025. “Do ta riktheja. Do të kritikohej shumë, sepse mendoj se bëri gabim që shkoi te Real Madridi”, ka deklaruar Carragher. Sipas tij, gjiganti anglez ka ndier ndjeshëm mungesën e mbrojtësit, sidomos për shkak të profilit të tij krijues në fushë: “Na ka munguar padyshim kreativiteti i tij”. Përvoja e Alexander-Arnold në La Liga nuk po ecën në rrugën e duhur dhe larg pritshmërive fillestare. Aktualisht, ai nuk gjen hapësirat e duhura si titullar në krahun e djathtë të prapavijës madrilene,nën drejtimin e trajnerit Jose Mourinho. “Në këtë moment, ai është alternativa e tretë për atë pozicion. Reali po aktivizon një mesfushor si Valverde në krahun e djathtë”, ka shpjeguar më tej Carragher, duke analizuar situatën e vështirë të lojtarit. Ish-ylli i “Reds” ka shtuar se një pozicion i tillë delikat mund ta detyrojë anglezin të shqyrtojë një tjetër lëvizje në karrierë: “Kur je zgjedhje e tretë në një klub, kjo do të thotë qartë se duan të largohesh”.