Tragjedia hekurudhore në Spanjë, Kurti i dërgon mesazh ngushëllimi homologut spanjoll pas humbjes së 64 jetëve

Kryeministri i Republikës së Kosovës, Albin Kurti, ka reaguar me dhimbje të thellë lidhur me aksidentin e rëndë hekurudhor që tronditi Spanjën, fatkeqësisht duke lënë pas 64 viktima. Përmes një reagimi të bërë në rrjetin social X, kreu i ekzekutivit kosovar ka shprehur ngushëllimet e tij më të sinqerta për këtë ngjarje tragjike, duke ia drejtuar ato kryeministrit të Spanjës, Pedro Sanchez, familjarëve të personave që humbën jetën, si dhe mbarë popullit spanjoll në këto momente të vështira.