Kurti kërkon administratë transparente dhe shërbime më efikase për qytetarët

Kryeministri i vendit, Albin Kurti, ka marrë pjesë në edicionin e katërt të konferencës ndërkombëtare KosovaPAR 2026, ngjarje kjo që i ka kushtuar vëmendje të veçantë reformës së administratës publike, procesit të digjitalizimit dhe ngritjes së besueshmërisë qytetare ndaj institucioneve shtetërore. Gjatë fjalës së tij, kreu i ekzekutivit ka theksuar se pritshmëritë e qytetarëve lidhen ngushtë me sigurimin e shërbimeve cilësore, marrjen e vendimeve të drejta dhe ndërtimin e një shteti që është plotësisht në shërbim të tyre.