Nis vizitën zyrtare në Kosovë delegacioni i Asamblesë Parlamentare të NATO-s, Haxhiu jep mesazhin e fortë mirënjohjeje

Delegacioni i Asamblesë Parlamentare të NATO-s ka zbarkuar këtë të mërkurë në Kosovë, ku ka nisur serinë e takimeve zyrtare në kuadër të kësaj vizite. Në nisje të këtij agjendi, përfaqësuesit e lartë të delegacionit janë pritur në një takim zyrtar nga kryetarja e Kuvendit të Kosovës, Albulena Haxhiu. Gjatë fjalës së saj mirëseardhëse, kryeparlamentarja Haxhiu ka shprehur falënderimin dhe mirënjohjen e thellë të qytetarëve të Kosovës për rolin vendimtar dhe mbështetjen e pakursyer që NATO ka dhënë për çlirimin e vendit. Ndër të tjera, ajo ka nënvizuar se Kosova do të ruajë një falënderim të përjetshëm ndaj Aleancës Veriatlantike për ndihmën e pazëvendësueshme që i dha popullit tonë në periudhat më kritike dhe më të errëta të historisë.