Bashkëpunimi me NATO-n në fokus: Albulena Haxhiu takon delegacionin e lartë në Kuvend

Kryetarja e Kuvendit të Kosovës, Albulena Haxhiu, ka pritë në një takim zyrtar delegacionin e Asamblesë Parlamentare të NATO-s. Në hapje të këtij takimi, përfaqësuesit e medieve kanë pasur mundësinë të përcjellin pamjet e para dhe të sigurojnë pamje filmike nga atmosfera e fillimit të vizitës. Agjenda e delegacionit të Asamblesë Parlamentare të NATO-s në institucionin legjislativ parashikon takime të rëndësishme. Konkretisht, nga ora 10:00, ata janë planifikuar të takohen me anëtarët e Komisionit Parlamentar për Punë të Jashtme dhe Integrim Evropian. Ndërkohë, sipas orarit zyrtar, në orën 11:00 delegacioni do të zhvillojë një takim tjetër të ndarë me përfaqësuesit e komuniteteve joshumicë që bëjnë pjesë në Kuvendin e Kosovës.