Kosova pritëse e delegacionit të NATO-s, paralajmërohet takimi me kryeparlamentaren Haxhiu

Një delegacion i nivelit të lartë nga Asambleja Parlamentare e NATO-s, konkretisht Komiteti Politik i këtij institucioni, do të nisë nesër një vizitë zyrtare dyditore në Republikën e Kosovës, e cila do të zhvillohet përgjatë datave 28 dhe 29 tetor. Axhenda e kësaj vizite parasheh një sërë takimesh të rëndësishme institucionale brenda Kuvendit të Kosovës, ku diskutim kryesor do të jetë intensifikimi i bashkëpunimit ndërparlamentar dhe zhvillimet aktuale të sigurisë. Sipas programit zyrtar të bërë publik për media, takimi i parë i delegacionit do të nisë në orën 09:05, ku ata do të priten në takim nga kryetarja e Kuvendit, Albulena Haxhiu.