Dështimi në merkato: Te Barcelona po e vuajnë vendimin për të mos blerë sulmuesin e formës

Gjatë merkatos së verës së kaluar, Barcelona ishte ndër pretendentët kryesorë për të siguruar shërbimet e Nicolo Tresoldit. Megjithatë, drejtuesit katalanas u tërhoqën nga ky operacion, pasi Club Brugge këmbëngulte në një dëmshpërblim prej 50 milionë eurosh për të lënë të lirë talentin e ri. Në vend të tij, shtabi teknik i Barçës vendosi të orientohej drejt një alternative tjetër, duke transferuar Gabriel Jesus për shumën e modestë prej 10 milionë eurosh. Sot, situata paraqitet krejt ndryshe. Falë tre tregolëshave të realizuar brenda katër javëve të fundit, 22-vjeçari është shndërruar në një ndër emrat më të lakuar në arenën ndërkombëtare. Deri më tani këtë sezon, Tresoldi ka arritur të shënojë 16 herë: 12 gola me fanellën e Club Brugge dhe katër të tjerë nën urdhrat e Kombëtares U-21 të Gjermanisë. Performancat e jashtëzakonshme bëjnë që sulmuesi të jetë në qendër të vëmendjes për merkaton e ardhshme. Radha e skuadrave të interesuara është zgjeruar ndjeshëm, duke përfshirë gjigantë evropianë si Milan, Atletico Madrid dhe Borussia Dortmund, krahas klubeve me fuqi të lartë financiare ku bëjnë pjesë Bayern Munich, Real Madrid, Arsenal dhe Paris Saint-Germain. Nëse verën e shkuar belgët kërkonin 50 milionë euro për kartonin e tij, është e sigurt se në dritaren e ardhshme të transferimeve, kërkesat financiare të Club Brugge për sulmuesin gjerman do të jenë edhe më të larta.