Jukaj jep sinjalin e fortë para duelit me Vorën: Kemi ardhur për fitore, do ta kenë të vështirë

Portieri i Vllaznisë, Aron Jukaj, ka shprehur vlerësime maksimale për teknikun e ri, Csaba Laszlo, ndërsa ka theksuar se skuadra shkodrane do të zbresë në fushë ndaj Vorës vetëm me synimin e marrjes së tri pikëve. Në prag të sfidës në transfertë, gardiani kuqeblu ka zbuluar atmosferën pozitive që ka sjellë drejtimi i ri teknik, duke lëshuar njëkohësisht një paralajmërim të qartë për kundërshtarët se do të kenë përballë një skuadër shumë të karikuar. “Trajneri i ri ka sjellë një frymë pozitive në grup, diçka që po e dëshmojmë edhe në paraqitjet tona të fundit. Përballë Vorës do të udhëtojmë vetëm për fitore dhe jemi të përqendruar maksimalisht te ky objektiv. Rivalët tanë përbëhen nga lojtarë të rinj që luajnë pa presion, por jam i bindur se ndaj nesh do ta kenë tepër të vështirë”, u shpreh Jukaj. Vora do të presë në fushën e saj Vllazninë nesër në mesditë, në një takim të vlefshëm për javën e 9-të të “Abissnet Superiore”, e cila do të nisë në orën 13:30.