Tragjedi në Shkup: 76-vjeçarja gjendet pa shenja jetë dhe me gjurmë dhune në shtëpinë e saj

Një ngjarje e rëndë ka tronditur mëngjesin e sotëm lagjen Gjorçe Petrov në Shkup, ku një grua 76-vjeçare është gjetur pa shenja jetë në banesën e saj, e vendosur në rrugën "Gjurçin Kokale". Sipas informacioneve zyrtare nga Ministria e Punëve të Brendshme, alarmi është dhënë nga vetë vajza e viktimës, e cila e ka gjetur nënën e saj në gjendje të rëndë. Ekipi mjekësor i Emergjencës që ka mbërritur në vendngjarje ka konfirmuar vdekjen, duke konstatuar në trupin e të moshuarës shenja të dukshme dhune. Autoritetet policore janë njoftuar për këtë ngjarje tragjike në orën 09:18. Në vendin e ngjarjes kanë dalë menjëherë grupi hetues dhe prokurori publik për të kryer të gjitha veprimet e nevojshme proceduriale. Me urdhër të prokurorit kompetent, trupi i pajetë i viktimës është dërguar për obduksion mjeko-ligjor, me qëllim përcaktimin e saktë të shkakut të vdekjes. Ndërkohë, Sektori i Punëve të Brendshme të Shkupit ka mobilizuar grupet e tij hetimore dhe po ndërmerr të gjitha masat e nevojshme operative për zbardhjen e plotë të rrethanave të këtij krimi.