Mbyllet çështja e grantit: Prokuroria Speciale heq dyshimet për ministren Pacolli dhe ish-ministrin Peci

Prokuroria Speciale e Republikës ka zyrtarizuar vendimin për mbylljen e hetimeve ndaj ish-ministrit të Bujqësisë, Faton Peci, dhe ministres në detyrë të Mjedisit, Fitore Pacolli, të cilët ishin vënë në shënjestër të drejtësisë lidhur me procesin e ndarjes së granteve bujqësore. Sipas njoftimit zyrtar të këtij institucioni të akuzës, pas përfundimit të të gjitha verifikimeve dhe veprimeve hetimore, është konfirmuar se nuk ekzistojnë elemente të ndonjë vepre penale, duke hedhur kështu poshtë pretendimet që kishin ngritur dyshimet fillestare ndaj dy zyrtarëve të lartë.