Partneritet i fortë Varshavë-Londër: Nuk ka alternativë për aleancën me SHBA-së

Ministri polak i Mbrojtjes, Wladyslaw Kosiniak-Kamysz, ka theksuar gjatë ditës së martë se Polonia dhe Mbretëria e Bashkuar janë të palëkundura në qëndrimin e tyre për fuqizimin e partneritetit transatlantik, duke e cilësuar bashkëpunimin me Shtetet e Bashkuara si rrugën e vetme të duhur pa asnjë mundësi tjetër zëvendësimi. Gjatë një konference për media të mbajtur krah homologut të tij britanik, Wes Streeting, kreu i mbrojtjes polake bëri të aqtë se të dyja shtetet ndajnë një qasje identike gjeopolitike. Ai nënvizoi se bashkëpunimi i ngushtë me Uashingtonin mbetet i pazëvendësueshëm, pavarësisht angazhimeve për të rritur kapacitetet vetjake të mbrojtjes në kontinentin evropian. Sipas tij, pavarësisht përpjekjeve për të rritur autonominë strategjike të Evropës, kjo nuk duhet të ndodhë kurrë në dëm të aleancës tradicionale amerikane. Ai shtoi se forcimi i kapaciteteve polake, britanike dhe evropiane duhet të shërbejë për prodhim të përbashkët dhe mbrojtje kolektive, pasi çdo skenar tjetër do të ishte i dëmshëm. Në kuadër të këtij takimi, zyrtarët e lartë të mbrojtjes nga Polonia dhe Britania e Madhe formalizuan një marrëveshje strategjike trevjeçare, e cila parashikon intensifikimin e stërvitjeve të përbashkëta ushtarake dhe avancimin e teknologjive mbrojtëse. Në fund, ministri Kosiniak-Kamysz konfirmoi angashkimin e Varshavës për të mbështetur Londrën zyrtare që të jetë pjesë e programit evropian të financimit të mbrojtjes, SAFE, duke u angazhuar gjithashtu në lehtësimin e afrimit të Mbretërisë së Bashkuar me strukturat e Bashkimit Evropian.