Rusia e Ukraina takohen kokë më kokë për herë të parë që nga viti 2022

Delegacionet nga Rusia dhe Ukraina janë takuar në Stamboll për bisedimet e para direkte midis dy vendeve që nga viti 2022, kur procesi i paqes u ndërpre asokohe vetëm disa javë pas nisjes së pushtimit të Ukrainës nga Rusia. Ministri i Jashtëm i Turqisë, Hakan Fidan, është cituar nga agjencia e lajmeve Reuters duke hapur takimin, tek ka thënë se ishte i lumtur që vullneti i dy palëve kishte hapur një mundësi të re për paqe. Ai ka thënë se është jashtëzakonisht e rëndësishme që një armëpushim të arrihet sa më shpejt që është e mundur dhe të vendosen themelet për takim mes liderëve të dy vendeve.