Udhëtim muzikor nga Evropa në Amerikën Latine: Nis edicioni i 25-të i festivalit “ReMusica”

Përurimi i edicionit jubilar të 25-të të festivalit ndërkombëtar të muzikës “ReMusica” është shoqëruar me harmoninë e veçantë të tingujve të kitarës dhe fizarmonikës. Koncerti mbresëlënës i mbajtur mbrëmjen e së hënës në ambientet e kishës katolike “Shën Ndou” ka ofruar për publikun një eksperiencë unike artistike, duke e shndërruar mbrëmjen në një shtegtim tingujsh nga Franca e Spanja e deri në skajet e largëta të Amerikës Latine. Në këtë ngjarje artistike, skena është pushtuar nga virtuoziteti i kitaristit franko-spanjoll Thibaut Garcia dhe artistit të fizarmonikës.