Bora vazhdon formën e lartë, mposht bindshëm Golden Eagle Yllin

Skuadra e Borës ka regjistruar fitoren e dytë radhazi në elitën e basketbollit kosovar, pasi ka triumfuar përballë Golden Eagle Yllit me rezultatin përfundimtar 75-64. Në këtë përballje, paraqitje mbresëlënëse për kryeqytetasit bëri Jericole Hellems, i cili ishte figura kryesore e takimit duke realizuar 'double-double' me 19 pikë dhe 10 kërcime. Kontribut të rëndësishëm në këtë fitore dha edhe Terren Allen, i cili e mbylli ndeshjen me 16 pikë të shënuara. Në anën tjetër, te skuadra nga Theranda, lojtarët më efikasë ishin Artin Gashi dhe Connor Withers, të cilët kontribuan me nga 11 pikë secili, por që nuk mjaftuan për të shmangur disfatën përballë Borës.