Procesi i transparencës: KQZ përcakton me short auditorët për financat e partive politike

Komisioni Qendror i Zgjedhjeve ka përmbyllur procesin e hedhjes së shortit për caktimin e operatorëve ekonomikë dhe auditorëve të autorizuar, të cilët do të merren me shqyrtimin e raporteve financiare të subjekteve politike. Këto dokumente ishin dorëzuar më parë në Zyrën për Regjistrim, Certifikim dhe Kontrollin Financiar të Subjekteven Politike (ZRCKFSP). Në ceremoninë e organizuar, e cila u ndoq nga afër edhe nga përfaqësues të ndryshëm të spektrit politik, është bërë lidhja mes partive politike dhe auditorëve përkatës. Ky hap garanton pavarësinë dhe paanshmërinë në kontrollin e llogarive të subjekteve, thuhet në njoftimin zyrtar të institucionit zgjedhor. Në fokus të këtij procesi kontrolli do të jenë gjithsej 169 raporte financiare. Konkretisht, bëhet fjalë për 52 raporte vjetore të partive politike për vitin 2025, 93 raporte të deklarimit financiar të fushatës për Zgjedhjet Lokale në Republikën e Kosovës të zhvilluara në tetor dhe nëntor të vitit 2025, si dhe 24 raporte të fushatës për zgjedhjet e parakohshme për Kuvendin e Republikës së Kosovës të mbajtura në dhjetor 2025. Në përmbyllje të njoftimit, nga këtë institucion u theksua se, me synim forcimin e llogaridhënies dhe transparencës publike, të gjitha raportet financiare tashmë janë të qytetarëve në faqen zyrtare të KQZ-së. Ato do të publikohen sërish pas përfundimit të auditimit, të shoqëruara me gjetjet dhe konstatimet zyrtare të ekspertëve.