Tragjedia në Pejë: Nëna e Liridona Ademajt solidarizohet me familjen Zekaj pas humbjes së rëndë

Familja e Liridona Ademajt, e cila u vra tragjikisht nga bashkëshorti i saj, Naim Murseli, ka reaguar publikisht ndaj vrasjes së Arlinda Zekajt në Vitomiricë të Pejës. Reagimi dhe mesazhi i ndjerë i nënës së Liridonës është bërë i ditur përmes një postimi të shpërndarë nga vëllai i saj, Leonardi Ademaj. Në këtë mesazh, ajo ka shprehur dhimbjen e saj të thellë dhe solidaritetin e plotë me familjen Zekaj, duke theksuar se e kupton më së miri këtë dhimbje shkatërruese, pasi vetë po kalon nëpër një dramë të ngjashme. “Ngushëllime nga zemra familjarëve të Arlindës. Si nënë që e kam përjetuar dhimbjen më të madhe në jetë, humbjen e vajzës sime nga krimi, e di mirë se çfarë do të thotë kur ta marrin fëmijën e ta copëtojnë zemrën përgjithmonë”, thuhet në mesazhin e saj. Më tej, ajo ka shtuar se dëgjimi i lajmit për vrasjen e Arlindës ia ka ringjallur plagët e rënda të shpirtit nga humbja e së bijës. “Kur e mora vesh se edhe nje cike e Kosoves, Arlinda, u be viktime e vrasjes, mu rihapen plagte e shpirtit dhe mu copetua zemra prape. Vetem drejtesia e shpejte mund t'i ngushelloje familjaret”, përfundon mesazhi prekës.