Tragjedia në Pejë: Yll Limani revoltohet pas vrasjes së Arlinda Zekajt dhe kujton thirrjen e saj për ndihmë

Këngëtari i njohur kosovar, Yll Limani, ka bërë një reagim emocional pas ekzekutimit tronditës të Arlinda Zekajt, ngjarje kjo e regjistruar mbrëmjen e së dielës në fshatin Vitomiricë të Pejës. Nëpërmjet një postimi në rrjetin social Instagram, artisti ka sjellë në vëmendje faktin se e ndjera më herët ishte përballur me dhunën në familje dhe kishte kërkuar mbështetje institucionale para se të ndodhte fatkeqësia. "Arlinda Zekaj u vra mbrëmë. Para se me ia marrë jetën, ajo kishte raportu dhunë në familje dhe kishte kërku ndihmë", ka shkruar ai në mesazhin e tij. Kjo ngjarje e rëndë ka shkaktuar një valë indinjate në opinionin e gjerë shoqëror, duke rikthyer në qendër të vëmendjes urgjencën për mbrojtjen e grave të rrezikuara dhe përgjegjësinë e organeve kompetente për të siguruar jetën e tyre. Ndërkohë, lidhur me këtë krim makabër, Policia e Kosovës ka vënë në lëvizje strukturat e saj duke shpallur në kërkim kunatin e viktimës, Albert Sylajn, i cili dyshohet si autor i veprës penale të vrasjes së rëndë.