Parashikimi i madh para Topit të Artë: CIES zbulon statistikat dhe futbollistin që kryeson renditjen

Në prag të ceremonisë prestigjioze të ndarjes së çmimeve për Topin e Artë 2026, Observatori i Futbollit CIES ka publikuar të dhënat e fundit statistikore, ku në krye të klasifikimit për paraqitjet gjatë vitit të fundit spikat emri i Lamine Yamal. Sipas këtij studimi të specializuar, ylli i ri i Barcelonës mban vendin e parë me 95.8 pikë, duke lënë pas dy lojtarët e Bayern Munichut, Michael Olise dhe sulmuesin Harry Kane. Përpilimi i kësaj listë është bazuar në tri shtylla kryesore: efikasitetin dhe paraqitjen individuale në fushë, vështirësinë e nivelit konkurrues të ndeshjeve, si dhe sukseset e arritura në nivel skuadre. Pas talentit katalanas, pozita e dytë i takon Michael Olise me 93.9 pikë, ndërsa vendi i tretë plotësohet nga Harry Kane me 90.5 pikë. Një tjetër surprizë e këndshme në këtë renditje është edhe Lionel Messi, i cili në moshën 39-vjeçare pozicionohet i katërti me 90.4 pikë. Raporti i CIES nënvizon se ylli argjentinas do të ishte në krye të kësaj liste sikur të mos merrej parasysh koeficienti i nivelit të garave ku ai ka aktivizuar. Në dhjetëshen më të mirë bëjnë pjesë gjithashtu emra të njohur të futbollit evropian, si Désiré Doué nga Paris Saint-Germaini, Kylian Mbappé i Real Madridit, dyshja e Barcelonës, Pedri dhe Pau Cubarsí, si dhe sulmuesi i Manchester Cityt, Erling Haaland. Ndërkohë, një detaj që ka tërhequr vëmendjen e analistëve është pozicionimi i Ousmane Dembélés. Fituesi i edicionit të kaluar të Topit të Artë gjendet vetëm në vendin e 27-të të këtij vlerësimi statistikor. Gjithsesi, autorët e studimit theksojnë se ky klasifikim ka karakter thjesht statistikor dhe nuk përbën një parashikim zyrtar të fituesit të mbrëmjes së madhe, pasi laureati i pëinuar nga "France Football" zgjidhet përmes procesit të votimit dhe jo vetëm përmes algoritmeve të performancës. Më poshtë paraqitet renditja e dhjetë futbollistëve më të mirë sipas CIES: 1. Lamine Yamal (Barcelona) – 95.8 pikë 2. Michael Olise (Bayern Munich) – 93.9 pikë 3. Harry Kane (Bayern Munich) – 90.5 pikë 4. Lionel Messi (Inter Miami) – 90.4 pikë 5. Désiré Doué (Paris Saint-Germain) – 90.4 pikë 6. Kylian Mbappé (Real Madrid) – 90.3 pikë 7. Khvicha Kvaratskhelia (Paris Saint-Germain) – 90.3 pikë 8. Pedri González (Barcelona) – 90.3 pikë 9. Erling Haaland (Manchester City) – 90.0 pikë 10. Pau Cubarsí (Barcelona) – 90.0 pikë