Vrasja e Arlinda Zekës, Policia lëshon foto-kërkimin për kapjen e Albert Sylajt

Autoritetet policore në rajonin e Pejës kanë ndërmarrë një hap zyrtar për kapjen e të dyshuarit kryesor për vrasjen e Arlinda Zekës. Sipas nomativave ligjore dhe në bazë të autorizimit zyrtar të lëshuar nga Prokuroria Themelore e Pejës, Policia e Kosovës ka publikuar të dhënat dhe fotografinë e personit të shpallur në kërkim, me qëllim gjetjen dhe vënien e tij para drejtësisë. I dyshuari kryesor për këtë ngjarje të rëndë është Albert (Sylejman) Sylaj, i cili ka lindur më 12 dhjetor 1984 në komunën e Deçanit. Ndaj tij rëndojnë akuzat zyrtare për veprën penale të klasifikuar si "Vrasje e rëndë". Për të bërë të mundur lokalizimin dhe arrestimin e tij sa më parë, Drejtoria Rajonale e Policisë në Pejë i është drejtuar opinionit publik me një thirrje për bashkëpunim. Çdo qytetar që posedon informacione të vlefshme rreth vendndodhjes së këtij personi, ftohet të kontaktojë menjëherë strukturat e rendit në stacionin më të afërt. Komunikimi me Policinë e Kosovës mund të realizohet përmes linjave telefonike zyrtare, duke përdorur numrat pa pagesë 192 dhe 080019999, si dhe në numrin direkt të Drejtorisë Rajonale të Pejës: 039 432 327.