Sukses historik në Luginë: Koalicioni Shqiptar konfirmon dy ulëse dhe synon të tretën

Përmes një njoftimi të përbashkët në rrjetet sociale, liderët vendorë kanë bërë të ditur se ky bllok politik ka arritur të sigurojë 27.230 vota gjatë këtij procesi zgjedhor, duke e vlerësuar këtë shifër si një kthesë të rëndësishme përfaqësimi. “Ky është rezultati i bashkimit politik, i besimit qytetar dhe i përkushtimit të përbashkët për përfaqësim dinjitoz”, ka theksuar Kamberi në mesazhin e tij drejtuar publikut. Në prononcimet e tyre, Kamberi dhe Sinani kanë shprehur mirënjohje të thellë për mbështetjen e qytetarëve në Preshevë, Bujanoc e Medvegjë, si dhe kanë falënderuar partitë politike shqiptare për bashkërendimin e forcave dhe kryeministrin e Kosovës, Albin Kurti, për kontributin dhe angazhimin e dhënë.